ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ឆ្នាំម្សាញ់ សប្តស័ក ពុទ្ធសករាជ ២៥៦៩ នៅថ្ងៃពុធ ទី ១៦ ខែមេសា ឆ្នាំ២០២៥ ឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ និងឯកឧត្ដម អុី ឡុង អ្នកតំណាងរាស្រ្តមណ្ឌលខេត្តបន្ទាយមានជ័យ បានអញ្ជើញចូលរួមក្នុងពិធីសូត្រមន្តបួងសួងសុំសេចក្ដីសុខ សេចក្ដីចម្រើន និងឡើងអាគារថ្មីរដ្ឋបាលក្រុងសិរីសោភ័ណ ខេត្តបន្ទាយមានជ័យ។ ក្នុងពិធីនេះក៏មាន ឯកឧត្ដម សមាជិកក្រុមប្រឹក្សាខេត្ត លោក លោកស្រី ក្រុមប្រឹក្សាក្រុង គណៈអភិបាលក្រុង កងកម្លាំង មន្រ្តីរាជការចំណុះរដ្ឋបាលក្រុងនិងលោកយាយ លោកតាយ៉ាងច្រើនកុះករ។ ក្នុងកម្មវិធីនេះមានជូន មី ភេសជ្ជៈ និងថវិកាមួយចំនួនដល់កងកម្លាំងទាំងបីឈរជើងចំណុះអោយក្រុង និងលោកយាយ លោកតា ទទួលបានសារ៉ុង១ ក្រម៉ា១ និងថវិកា ២មុឺនរៀលផងដែរ។
